პარლამენტის შენობასთან „ნაციონალური მოძრაობის“ ლიდერები, პარტიის რიგითი წევრები და მოქალაქეთა ჯგუფი საყვირების აქციას მართავენ. პარლამენტთან შეკრებილები შსს მინისტრის თანამდებობაზე გიორგი გახარიას ყოფნას აპროტესტებენ. „გადადგეს რუსეთუმე გახარია“ – ასეთი შინაარსის ბანერია გამოფენილი პარლამენტის წინ.
ამასთან, გამკაცრებულია უსაფრთხოების ზომები. პოლიცია რუსთაველიდან პარლამენტისკენ ამომავალ გზაზე ტრანსპორტს არ უშვებს.
