საქართველოს პარლამენტის ბიურომ 9-12 ივნისის პლენარული სხდომების დღის წესრიგი განსაზღვრა და ახალი საკანონმდებლო ინიციატივების განხილვისთვის წამყვანი და სავალდებულო კომიტეტები დაამტკიცა.
ბიუროს გადაწყვეტილებით, საკანონმდებლო ორგანო დაჩქარებული წესით განიხილავს ცვლილებებს პარლამენტის რეგლამენტში, რომელიც პარლამენტის თავმჯდომარემ შალვა პაპუაშვილმა წარადგინა. მისი განმარტებით, აღნიშნული პროექტი არსებული გამოცდილების გათვალისწინებით, რიგი საპარლამენტო პროცედურებისა და დებულებების კიდევ უფრო მეტად დახვეწასა და ეფექტიანობის გაზრდას ისახავს მიზნად.
