“პარლამენტი მზად არის პრეზიდენტის ადმინისტრაციასთან ითანამშრომლოს” – თალაკვაძე სალომე ზურაბიშვილს მიმართავს

admin
ავტ.: admin სექტემბერი 23, 2019 13:22

“პარლამენტი მზად არის პრეზიდენტის ადმინისტრაციასთან ითანამშრომლოს” – თალაკვაძე სალომე ზურაბიშვილს მიმართავს

საქართველოს პარლამენტის თავმჯდომარე არჩილ თალაკვაძეს მიაჩნია, რომ საჭიროა პატიმართა შეწყალების მიმართულებით კანონმდებლობის დახვეწა, რათა განისაზღვროს შეწყალებასთან დაკავშირებული კრიტერიუმები.

როგორც პარლამენტის თავმჯდომარემ აღნიშნა, მმართველი გუნდი მიესალმება პრეზიდენტის მიერ თანამშრობლობის შესახებ სურვილს.

„შეწყალება არის პრეზიდენტის დისკრეციული უფლება, ეს არის კონსტიტუციით და კანონმდებლობით განსაზღვრული უფლება, შესაბამისად ჩვენ მივესალმებით მისი მხრიდან თანამშრომლობის სურვილს, თუ საჭიროა. როგორც ჩანს საჭიროა კანონმდებლობის დახვეწა ამ მიმართულებით, რომ უფრო კონკრეტულად განისაზღვროს კრიტერიუმები შეწყალებასთან დაკავშირებით და პარლამენტი მზად არის პრეზიდენტის ადმინისტრაციასთან ითანამშრომლოს.

​შემიძლია გითხრათ, რომ პრევენციის სფეროში გაკეთებული რეფორმების შემდეგ არაერთი ალტერნატიული სასჯელის ზომა არის განსაზღვრული კანონით, არის მაგალითად დაწესებულებები, საიდანაც პატიმრები შაბათ-კვირას მიდიან სახლში და დროს ოჯახთან ერთად ატარებენ, არის ღია ტიპის დაწესებულებები, სადაც პატიმრები შრომობენ და ანაზღაურებას იღებენ, არის ელექტრონული პატიმრობა, როდესაც არა ციხეში, არამედ სხვა განსაზღვრულ ადგილას, ოჯახში ადამიანები იხდიან მსჯავრს. როდესაც ამდენი ალტერნატიული ზომა არსებობს, ბუნებრივია, უნდა შემცირდეს შეწყალების გამოყენების მაჩვენებლები და ეს არის კიდეც შემცირებული. სააკაშვილთან და ბატონ მარგველაშვილთან შედარებით თუ ვნახავთ ქალბატონი ზურაბიშვილის მიერ გამოყენებულ შეწყალების მაჩვნებელს, 6 თვის ან 1 წლის განმავლობაში ის არის ძალიან მკვეთრად შემცირებული“, – განაცხადა არჩილ თალაკვაძემ.

admin
ავტ.: admin სექტემბერი 23, 2019 13:22

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,567
ვიზიტორი
დღეში
Powered By Google Analytics