პარლამენტი დღეს ომბუდსმენის პოსტზე წარდგენილი კანდიდატურის განხილვას იწყებს. ნინო ლომჯარიას ადამიანის უფლებათა დაცვის კომიტეტზე მოუსმენენ. საპარალამენტო უმრავლესობის წევრები ამბობენ, რომ გუნდში პოზიცია შეთანხმებულია და კომიტეტის დასკვნებიც შესაბამისად, დადებითი იქნება.
დღესვე დაგეგმილია სახალხო დამცველის კანდიდატის შეხვედრა „ერთიანი ნაციონალური მოძრაობის” ფრაქციასთან. სწორედ ამ შეხვედრების შემდეგ გადაწყვეტენ ოპოზიციური პარტიის წარმომადგენლები, დაუჭერენ მას მხარს თუ არა.
