საფრანგეთის დედაქალაქში სპეციალიზირებული სამედიცინო ცენტრი გაიხსნება, სადაც ნარკოტიკების ლეგალური მოხმარება იქნება ნებადართული – ადგილობრივი მედია წერს.
დაწესებულება პარიზის ერთ-ერთ საავადმყოფოსთან იქმნება. ნარკომანებს უფასოდ მისცემენ ინექციისათვის საჭირო სტერილურ საშუალებებს. მათ 20 ექიმი და მედდა მოემსახურებათ.
დაწესებულების მიზანია ნარკომანებში ვირუსული დაავადებების რისკის შემცირება, მათ შორის, შიდსის და სხვა.
ანალოგიური სამედიცინო ოთახები არსებობს შვეიცარიაში, ესპანეთში, ლუქსემბურგში, ნორვეგიაში, დანიაში, ნიდერლანდებში, ასევე კანადასა და ავსტრალიაში.