საფრანგეთის პოლიციამ პარიზის ცენტრში, ელისეის მინდვრების მახლობლად, Bank of America-ს შენობასთან ასაფეთქებელი მოწყობილობის ამოქმედების მცდელობისას ერთი პირი დააკავა. ქვეყნის შინაგან საქმეთა მინისტრის, ლორან ნუნიესის განცხადებით, ეს ინციდენტი პირდაპირ კავშირშია რეგიონულ კონფლიქტთან, სადაც აშშ და ისრაელი ირანის წინააღმდეგ დგანან.
პოლიციამ ეჭვმიტანილი შაბათს გამთენიისას აიყვანა, როდესაც ის შენობის წინ ხელნაკეთი ასაფეთქებელი მოწყობილობის ამოქმედებას აპირებდა.
მინისტრი ნუნიესი პარალელსავლებს ნიდერლანდებში მომხდარ შემთხვევასთან, სადაც ირანის მიერ მხარდაჭერილი ჯგუფი ებრაულ სკოლას დაესხა თავს.
„მე ვხედავ კავშირს მეზობელ ქვეყნებში განხორციელებულ ქმედებებთან, რომლებზეც პასუხისმგებლობას მცირე ჯგუფები იღებენ და კონფლიქტზე მიუთითებენ“, — განაცხადა მინისტრმა ტელეკომპანია BFMTV-სთან საუბრისას.
ეს შემთხვევა კიდევ ერთხელ ადასტურებს, რომ ახლო აღმოსავლეთის კონფლიქტის ექო ევროპის დედაქალაქებში სულ უფრო ხშირად და მწვავედ ისმის.
