პაპუაშვილი – მიუხედავად ურთულესი გამოწვევებისა, ჩვენი გუნდის ხელმძღვანელობით, შევინარჩუნეთ მშვიდობა, უკან დახევის გარეშე, ქვეყნის ეკონომიკა დავუბრუნეთ პანდემიამდელ მდგომარეობას

ეს წელი, დამოუკიდებლობის შემდეგ, იყო ერთ-ერთი ურთულესი ჩვენი ქვეყნისთვის. საზოგადოება ერთდროულად იდგა ოკუპაციის, პანდემიის, ეკონომიკური გამოწვევებისა და თავსმოხვეული პოლარიზაციის წინაშე, – განაცხადა შალვა პაპუაშვილმა, რომლის პარლამენტის თავმჯდომარედ არჩევასაც დღეს უყრიან კენჭს.

როგორც შალვა პაპუაშვილმა განაცხადა, მიუხედავად მძიმე პერიოდისა, გუნდის ხელმძღვანელობით, მათ მოახერხეს მშვიდობის შენარჩუნება, პანდემიის რამდენიმე ტალღის გადალახვა, ქვეყნის ეკონომიკა დაუბრუნეს პანდემიამდე მდგომარეობას, ადგილობრივი თვითმმართველობის არჩევნების სათანადო ჩატარებით შექმნეს, მყარი საფუძველი ქვეყნის პოლიტიკური სტაბილურობისთვის.

„მიუხედავად ამ ურთულესი გამოწვევებისა, ჩვენი გუნდის ხელმძღვანელობით, შევინარჩუნეთ მშვიდობა, უკან დახევის გარეშე, გადავლახეთ პანდემიის რამდენიმე მძიმე ტალღა, ქვეყნის ეკონომიკა დავუბრუნეთ პანდემიამდელ მდგომარეობას, ადგილობრივი თვითმმართველობის არჩევნების სათანადო ჩატარებით შევქმენით მყარი საფუძველი ქვეყნის პოლიტიკური სტაბილურობისთვის“, – განაცხადა შალვა პაპუაშვილმა.

შალვა პაპუაშვილმა, ხელისუფლების მოკავშირეობისთვის და ყველა სირთულის გადალახვისთვის მადლობა გადაუხადა ქართველ ხალხს, ექიმებს, პოლიციელებს, ჯარისკაცებს, პედაგოგებს.

„ყველა ამ გამოწვევასთან გამკლავებაში ქართველი ხალხის და ხელისუფლების მოკავშირეები იყვნენ ჩვენი ექიმები, ჩვენი პოლიციელები, ჩვენი ჯარისკაცები, ჩვენი პედაგოგები. დიდი მადლობა მათ და ყველა იმ ადამიანს, ვინც გვერდით ედგა სახელმწიფოს ამ ურთულეს პერიოდში“, – განაცხადა შალვა პაპუაშვილმა.

banner
წინა სტატიაშიპარლამენტის რიგგარეშე სხდომაზე ახალი თავმჯდომარის არჩევის პროცედურა დაიწყო
შემდეგი სტატიაპაპუაშვილი – როგორც პარლამენტის თავმჯდომარე, ვიქნები საპარლამენტო სუვერენიტეტის სადარაჯოზე