პაპუაშვილი “ენმ” -ზე: 6 თვე ტყუილს ყვებოდნენ “გაყალბებულ არჩევნებზე”, 3 თვე – ტყუილს ქართველ ნელსონ მანდელაზე

“სამწუხარო სანახავია, მაგრამ ფაქტია, რომ მათ არც ნიკა მელიას და არც საკუთარ თავს, დიდი ხანია, ღირსეული გამოსავალი აღარ დაუტოვეს და ახლა, მისი და საკუთარი თავების, ამ სირცხვილიდან გამოძვრენას ცდილობენ, რომელიც, ნაწილობრივ, საკუთარ ქვეყანასაც აკადრეს”, – ამის შესახებ “ქართული ოცნების” დეპუტატი შალვა პაპუაშვილი სოციალურ ქსელში წერს.

“რა აურაცხელ სტატუსში იხარჯება “ნაციონალური მოძრაობა” და მისი ვირტუალური ლეგიონი, რომ ნიკა მელიას მიერ გირაოზე დათანხმება -🤦 რომელზე არდათანხმების გამოც იყო წინასწარ პატიმრობაში – რამენაირად ციხიდან ღირსეულ გამოსვლად გააფორმონ.
ის დრო გამახსენა, “ორკესტრირებული მუშაობა” რომ დაუდგინა ერთმა ცნობილმა საერთაშორისო ინსტიტუტმა. როგორც ჩანს, ისევ იქ არიან. საერთო ჩატში.
👉 სამწუხარო სანახავია, მაგრამ ფაქტია, რომ მათ არც ნიკა მელიას და არც საკუთარ თავს, დიდი ხანია, ღირსეული გამოსავალი აღარ დაუტოვეს და ახლა, მისი და საკუთარი თავების, ამ სირცხვილიდან გამოძვრენას ცდილობენ, რომელიც, ნაწილობრივ, საკუთარ ქვეყანასაც აკადრეს.
🔹ვერ დამიჭერთო, დაიჭირეს.
🔹ვერ გადამიხდითო, გადაუხადეს.
🔹ამნისტიაზე ვერ დამითანხმებთო, 👉 არც მაგაზე იტყვის უარს.
❗სიმართლეს, ბოლოს, ყველა უსწორებს თვალს. გაყალბებულ არჩევნებს ვინც გაიძახოდა, ახლა “სხვებმა შეცდომაში შეგვიყვანესო” – ამბობენ. უბრალოდ, ამასობაში, საკუთარ ქვეყანას რას ერჩიან?!… ექვსი თვე ტყუილს უყვებოდნენ “გაყალბებულ არჩევნებზე”, სამი თვე – ტყუილს ქართველ ნელსონ მანდელაზე”, – წერს შალვა პაპუაშვილი.

რეკლამის ბანერი
წინა სტატიაშიანზორ მელია: თუ სამშობლოსთვის საჭირო იქნება, ნიკა პარლამენტშიც შევა
შემდეგი სტატიამიტროპოლიტმა ანტონმა ჟურნალისტ ირაკლი ვაჩიბერიძეზე ფიზიკურად იძალადა (ვიდეო)