პანკისის ხეობაში ჩატარებულ სპეცოპერაციასთან დაკაშირებით დღეს სოფელ დუისის საბჭოში უხუცესთა საბჭოს კრება შედგება. საბჭოს წევრები და ადგილობრივი არასამთავრობო ორგანიზაციის წარმომადგენლები სპეცოპერაციის დროს ახალგაზრდის დაჭრას და 5 ადგილობრივის დაკავების შესახებ განცხადებას გაავრცელებენ. მათი შეფასებით, სპეცოპერაციის დროს სამართალდამცველებმა უფლებამოსილებას გადაამეტეს, რის გამოც ისინი შესაბამის უწყებებს სასწრაფო რეაგირებისა და გამოძიებისკენ მოუწოდებენ.