ანონიმურმა წყარომ, როემლიც ე.წ. “პანამური დოკუმენტების” უკან დგას, იმაზე ისაუბრა, თუ რატომ გადაწყვიტა ჟურნალისტებისათვის მასალების მიწოდება.
მან საკუთარ თავს ჯონ დოუ უწოდა და პუბლიკას გაზეთი Süddeutsche Zeitung-ით მიმართა, რომლის ჟურნალისტსაც, მან თავის დროზე მასალები მიაწოდა.
მისი მანიფესტის სრული ვერსია გაზეთის საიტზე ინგლისურ ენაზე დევს.
თავის განცხადებაში ჯონ დოუ საუბრობს იმაზე, რომ მსოფლიოში სასამართლოებმა თავი ვერ გაართვეს საკუთარ ამოცანას – ოფშორული ზონის მეტასტაზებისთვის მიეხედათ, რომელიც პლანეტაზე მიმოფანტულია.
“მე გადავწყვიტე Mossack Fonseca-ზე მასალების გამოქვეყნება, რადგანაც ვთვლი, რომ მისი დამფუძნებლები, თანამშრომლები და კლიენტები პასუხისმგებლები არიან იმ დანაშაულებებში, რომელთა ნაწილია მხოლოდ გამოქვეყნებული” – ნათქვამია განცხადებაში.
ჯონ დოუმ ასევე განაცხადა, რომ არ მუშაობს არც ერთ სამთავრობო ან სპეც სამსახურებში. “ჩემი ხედვა უგამონაკლისოდ მე მეკუთვნის, ისევე, როგორც გადაწყვეტილება დუკუმენტები Süddeutsche Zeitung-ისა და ჟურნალისტ-გამომძიებელთა კონსორციუმისათვის მიმეწოდებინა” – წერს ის.
მისი თქმით, მისი მოტივი უთანასწორობასთან ბრძოლაა.
შეგახსენებთ, რომ აპრილის დასაწყისში მსოფლიოში წამყვანმა გაზეთებმა პანამური კომპანია Mossack Fonseca-ის დოკუმენტები გამოაქვეყნა, სადაც ნაჩვენები იყო, თუ როგორ ათეთრებს ფულს დაახლოებთ 72 იურიდიული და ფიზიკური პირი. მათ შორის ძალიან ცნობილი კომპანიები და ადამიანები