გაეროს გენერალურმა მდივანმა, პან გი მუნმა აზერბაიჯანს და სომხეთს მოუწოდა დაუყოვნებლივ შეწყვიტონ შეიარაღებული დაპირისპირება და ცეცხლის შეწყვეტის შესახებ შეთანხმება დაიცვან.
როგორც განცხადებაშია ნათქვამი, პან გი მუნი ღრმად არის შეშფოთებული კონფლიქტის შესახებ მიღებული ინფორმაციით, რომლითაც მთიან ყარაბაღში „ცეცხლის შეწყვეტის შესახებ შეთანხმების მასშტაბური დარღვევა“ დასტურდება.
„გენერალური მდივანი კონფლიქტის მონაწილე მხარეებს მოუწოდებს შეიარაღებული მოქმედებები დაუყოვნებლივ შეწყვიტონ და სიტუაციის დეესკალაციისაკენ გადადგან ნაბიჯები“ – ნათქვამია დოკუმენტში.
აზერბაიჯანულ და სომხურ მხარეებს შორის მთიან ყარაბაღში შაბათ დილით გამწვავდა სიტუაცია. უკანასკნელი მონაცემებით, ორივე მხარიდან დაღუპულები ათობით არიან – „ბიბისი“ წერს.