პალესტინის ხელისუფლების საგარეო საქმეთა მინისტრი ვარსენ აღაბეკიან შაჰინი აცხადებს, რომ ქვეყნები, რომლებიც ამ კვირაში პალესტინის სახელმწიფოს აღიარებენ, დგამენ შეუქცევად ნაბიჯს, რომელიც ორი სახელმწიფოს პრინციპზე დაფუძნებულ გადაწყვეტას ინარჩუნებს და პალესტინის დამოუკიდებლობასა და სუვერენიტეტს აახლოებს.
დიდმა ბრიტანეთმა, კანადამ და ავსტრალიამ დღეს ოფიციალურად აღიარეს პალესტინის სახელმწიფო, რითაც შეუერთდნენ სხვა ქვეყნებს, რომლებიც მხარს უჭერენ ორი სახელმწიფოს პრინციპზე დაფუძნებულ გადაწყვეტას, თუმცა ეს ნაბიჯი ისრაელმა და შეერთებულმა შტატებმა გააკრიტიკეს.
„ახლა დროა. ხვალ ისტორიული თარიღია, რომელზეც უნდა გავაგრძელოთ მუშაობა. ეს დასასრული არ არის“, – განუცხადა შაჰინმა ჟურნალისტებს რამალაში.
„ეს არის ნაბიჯი, რომელიც გვაახლოებს სუვერენიტეტთან და დამოუკიდებლობასთან. შესაძლოა, ამან ომი ხვალ არ დაასრულოს, მაგრამ ეს წინგადადგმული ნაბიჯია, რომელიც უნდა განვავითაროთ და გავაძლიეროთ“, – აღნიშნა მან ღაზაში „ჰამასის“ წინააღმდეგ ისრაელის თითქმის ორწლიან სამხედრო კამპანიაზე მითითებით.
