პაკისტანის ხელისუფლებამ სამძებრო-სამაშველო ოპერაცია დაიწყო მას შემდეგ, რაც პაკისტანური ავიაკომპანია K2 Airways-ის სატვირთო Boeing 737 შარჯადან (არაბთა გაერთიანებული საამიროები) კარაჩიში (პაკისტანი) მიმავალი რეისის KTA1732 შესრულებისას რადარებიდან გაუჩინარდა.
Flightradar24-ის მონაცემებით, თვითმფრინავმა კავშირის დაკარგვამდე ჯერ მკვეთრად დაკარგა სიმაღლე, შემდეგ კვლავ აიმაღლა, რის შემდეგაც სწრაფი დაშვება განაახლა.
სერვისის ინფორმაციით, თვითმფრინავთან კავშირი კარაჩის აეროპორტთან მიახლოებამდე ცოტა ხნით ადრე შეწყდა. ბოლო სიგნალი 16:21 UTC-ზე დაფიქსირდა. იმ მომენტში საჰაერო ხომალდი დაახლოებით 1 100 ფუტის (335 მეტრის) ბარომეტრულ სიმაღლეზე იმყოფებოდა, ხოლო მისი დაფიქსირებული ვერტიკალური სიჩქარე წუთში 22 400 ფუტს, ანუ დაახლოებით 409,4 კმ/სთ-ს შეადგენდა.
ამ დროისთვის თვითმფრინავის ადგილსამყოფელისა და ეკიპაჟის მდგომარეობის შესახებ ოფიციალური ინფორმაცია არ გავრცელებულა. სამძებრო ოპერაცია გრძელდება.
