პაატა იმნაძე: ველოდებოდით ახალ ალგორითმს

თაიმერი timer.ge
ავტ.: თაიმერი timer.ge აპრილი 2, 2020 14:45

პაატა იმნაძე: ველოდებოდით ახალ ალგორითმს

დაავადებათა კონტროლის ეროვნული ცენტრის დირექტორის მოადგილე პაატა იმნაძე აცხადებს, რომ მთავრობის წარმომადგენლებს კორონავირუსზე ტესტირება ამ ეტაპზე არ უტარდებათ.

პაატა იმნაძის თქმით, ახალი ალგორითმით ჩამოყალიბდება იმ მაღალი რისკის პროფესიების ჩამონათვალი, რომელთა წარმომადგენლებიც ტესტირებას დაექვემდებარებიან.

„ველოდებოდით ახალ ალგორითმს, რომელიც უკვე ხელმოწერილია მინისტრის მიერ. ამ ახალი ალგორითმებით ერთ-ერთი გამოყოფილია მაღალი რისკის პროფესიები. მაღალი რისკის მქონე პროფესიების პერიოდულ ტესტირებებზეა საუბარი“, – განმარტა პაატა იმნაძემ.

იმნაძის თქმით, საჯარო მოხელეებს, რომლებიც ვერ წყვეტენ მუშაობას, შესაძლოა პერიოდულად ჩაუტარდეთ​ კვლევა.

„რა თქმა უნდა, თუ ვინმეს რაიმე სიმპტომები ექნება, ის უკვე აღარ განიხილება უბრალოდ პროფესიული თვალსაზრისით რისკის ჯგუფად, ის უკვე იქნება რისკის ჯგუფი ინფიცირების თვალსაზრისით და მას, როგორც ყველას სხვას ამ ქვეყანაში, ჩაუტარდება დიაგნოსტიკა ისევე, როგორც ნებისმიერ მოქალაქეს“, – განაცხადა პაატა იმნაძემ.

თაიმერი timer.ge
ავტ.: თაიმერი timer.ge აპრილი 2, 2020 14:45

Google სტატისტიკა


18,783
ვიზიტორი
დღეში
Powered By Google Analytics