დავით აღმაშენებლის გამზირზე მდებარე პაატა ბურჭულაძის პარტიის ოფისში, საიდანაც ერთი კომპიუტერი დაიკარგა, საგამოძიებო მოქმედებები მიმდინარეობს. ადგილზე ექსპერტ კრიმინალისტები და გამომძიებლები მუშაობენ. პარტიის გენერალური მენეჯერის თანაშემწის გვანცა იობიძის განცხადებით, დაკარგულია მისი სამუშაო კომპიუტერი, სადაც პარტიასთან დაკავშირებული მნიშვნელოვანი ინფორმაცია ინახებოდა.