პაატა ბურჭულაძის პარტია მესტიის შტაბის სრულმა შემადგენლობამ დატოვა

news
ავტ.: news სექტემბერი 21, 2016 16:22

პაატა ბურჭულაძის პარტია მესტიის შტაბის სრულმა შემადგენლობამ დატოვა

პაატა ბურჭულაძის პარტია “სახელმწიფო ხალხისთვის” მესტიის რაიონის შტაბის სრულმა შემადგენლობამ – სულ 60-მდე წევრმა დატოვა. ამის შესახებ ინფორმაციას პარტიის მესტიის ორგანიზაციის უკვე ყოფილი აღმასრულებელი მდივანი ნოდარ საბანაძე  ადასტურებს.

მისი თქმით, ამჟამად მესტიაში პარტიის “პაატა ბურჭულაძე სახელმწიფო ხალხისათვის“ ორგანიზაცია დაკეტილია და მესტიაში ბურჭულაძის პარტიის შტაბი აღარ არსებობს. მიზეზად საბანაძე კოალიციურ შემადგენლობას და მათ ხედვებს ასახელებს.

“როდესაც პარტია შექმნა ახალი სახე გვეგონა ბურჭულაძე, რომელიც გაუსვრელი იყო და სუფთა ფურცლიდან იწყებდა. დიდი სიხარულით, ენერგიით, ხალისით გვერდში ვედექით. თუმცა ბოლო დროს სიტუაცია აირია. დღეს ჩემს ადგილს ამ პარტიაში ვერ ვხედავ. არ მინდა მათთან არანაირი კავშირი მქონდეს. არ მომწონს არც კოალიციური შემადგენლობა და არ ვეთანხმები არც მათ ხედვებს. არ გვინდოდა პარტიის ხელმძღვანელთან შეხვედრის გარეშე ამ ნაბიჯის გადადგმა, თუმცა კავშირის მცდელობის მიუხედავად მათთან კომუნიკაცია, შეხვედრა შეუძლებელი აღმოჩნდა“,-განაცხადა საბანაძემ და აღნიშნა, რომ მესტიის შტაბის წევრები სხვა პარტიაში არ გადასულან.

news
ავტ.: news სექტემბერი 21, 2016 16:22

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,892
ვიზიტორი
დღეში
Powered By Google Analytics