საპრეზიდენტო არჩევნების მეორე ტურში ჩართულ ე.წ. “ქურდულ სამყაროს” წარმომადგენლების საქმიანობას, კოორდინაციას, გურიის “რუხი კარდინალი” კახი კალაძის მარჯვენა ხელი ილა კეჭაყმაძე უწევს და ფინანსებით სწორედ ის ამარაგებს.
დღეს, დილის 8 საათიდან, ანუ საპრეზიდენტო არჩევნების მეორე ტურის დაწყებიდან, ოზურგეთის ყველა საარჩევნო უბანთან ე.წ. “შავი სამყაროს” წარმომადგენლები დგანან და მოსახლეობას სალომე ზურაბიშვილისათვის ხმის მიცემას აიძულებენ.
ჩვენმა გადამღებმა ჯგუფმა ჭანიეთის საარჩევნო უბანტან ერთი ასეთი ჯგუფი დააფიქსირა, მათთან თბილისის მერის, კახი კალაძის გარემოცვის წევრი, ილა კეჭაყმაძე მივიდა, საკუთარი ავტომანქანით და ინსტრუქციები გასცა.
კეჭაყმაძე ჟურნალისტების დანახვაზე ადგილიდან ზეაწეული “ცერა თითით” გაიქცა.