ოზურგეთში ურთიერთშელაპარაკების ნიადაგზე 16 და 20 წლის ბიჭები დაჭრეს. ისინი სასწრაფო სამედიცინო დახმარების ბრიგადამ ოზურგეთში კლინიკა „მედალფაში” გადაიყვანა.
როგორც კლინიკაში ჟურნალისტებს განუცხადეს, ახალგაზრდებს ჭრილობები გულ-მკერდისა და ბარძაყის არეში ცივი იარაღით აქვთ მიყენებული. მათივე განცხადებით, ახალგაზრდებს ოპერაცია უტარდებათ.
მომხდარის დეტალები ჯერჯერობით უცნობია. ადგილზე სამართალდამცავები არიან მობილიზებული.
