ოზურგეთში მეორე ტურში გამარჯვებული მერი “ქართულ ოცნებასთან” თანამშრომლობას გეგმავს

ოზურგეთი ერთადერთი მუნიციპალიტეტია, სადაც არჩევნების მეორე ტურში მმართველი გუნდი დამარცხდა. მერი დამოუკიდებელი კანდიდატი გახდა.

კონსტანტინე შარაშენიძემ მერის რანგში პირველი განცხადებაც გააკეთა. შარაშენიძე ამბობს, რომ აპირებს საკრებულოსთან თანამშრომლობას მიუხედავად იმისა, რომ დეპუტატების დიდი ნაწილი სხვა პოლიტიკურ გუნდს წარმოადგენს, რადგან მის მსგავსად საკრებულოც ხალხის არჩეულია.

„საკრებულოში არის ხალხი, რომელსაც ჰქვია ოზურგეთის მოსახლეობის არჩეული ხალხი. აქედან გამომდინარე რა პრობლემა უნდა მქონდეს. ოზურგეთში ხალხმა მხარი დამიჭირა და თუ მე ახლა შესაბამისი გამოცდილება და კომპეტენცია არ გამაჩნია, როგორ უნდა დამიჭიროს მე ხალხმა მხარი,“-განაცხადა კონსტანტინე შარაშენიძემ.

კონსტანტინე შარაშენიძე ამბობს, რომ მას „ქართულ ოცნებასთან“ თანამშრომლობის პრობლემა არ აქვს.

„რა პრობლემა გვაქვს, ჩვენ ოზურგეთზე ვსაუბრობთ. ოზურგეთი არის ჩვენი ოჯახი, ჩვენ ერთი ქალაქის, ერთი რაიონის მაცხოვრებლები ვართ და ასე რომ ჩვენ არანაირი პრობლემა არ გვაქვს ერთმანეთთან ურთიერთობის,“-განაცხცადა კონსტანტინე შარაშენიძემ.

banner
წინა სტატიაშიმივესალმებით საქართველოს პრემიერ-მინისტრის მიერ დაანონსებულ ოპტიმიზაციის პროცესს – პრეზიდენტის ადმინისტრაცია
შემდეგი სტატიამერიის განახლებულ შემადგენლობაზე ახალი მოწვევის საკრებულო 16 ნოემბრის სხდომაზე იმსჯელებს