ოზურგეთის #60 საოლქო საარჩევნო კომისიაში ამ დროისათვის სამი საჩივარია შესული.
„ყველა მათგანი პროცედურული ხასიათისაა და არჩევნების პროცესზე ზეგავლენას ვერ მოახდენს”- აცხადებს საოლქო საარჩევნო კომისიის თავმჯდომარე ზვიად თენეიშვილი.
მისივე შეფასებით, ოზურგეთში არჩევნების პროცესი მშვიდ ვითარებაში მიმდინარეობს, აქტივობა კი საშუალოა.
თვითმმართველი ქალაქის ქუთაისის და თვითმმართველი თემების ყაზბეგის, ხაშურის, ბორჯომის, ოზურგეთისა და მარტვილის მერების 2017 წლის 21 ოქტომბრის არჩევნების მეორე ტურები ტარდება.
