ოთხმაგი მკვლელობა ყანდაურაში – ნათია მეზვრიშვილის განცხადებით გამოძიებისას შსს-ს შეცდომა არ დაუშვია

თაიმერი timer.ge
ავტ.: თაიმერი timer.ge მაისი 14, 2019 10:29

ოთხმაგი მკვლელობა ყანდაურაში – ნათია მეზვრიშვილის განცხადებით გამოძიებისას შსს-ს შეცდომა არ დაუშვია

მკვლელობა სოფელ ყანდაურაში – საქართველოს შინაგან საქმეთა მინისტრის მოადგილემ ნათია მეზვრიშვილმა აღნიშნულზე კომენტარი გააკეთა. მისი განცხადებით, გამოძიების მიმდინარეობისას სამინისტროს შეცდომა არ დაუშვია.

მეზვრიშვილის განმარტებით, პირველადი ინფორმაციის საფუძველზე მოხდა 85 წლის მოხუცის დაკავება და მკვლელობის იარათთან დაკავშრებით კითხვები ექსპერტიზიცს პასუხების გაცნობის შემდეგ გაჩნდა:

„შს სამინისტრომ, რა თქმა უნდა, შეცდომა არ დაუშვა, ეს არის ძალიან ბუნებრივი პროცესი. პირველი, ვისი დაკავებაც მოხდა და ვინც გაჩნდა ბრალდებული საქმეში იმ მტკიცებულებებზე დაყრდნობით, რომელიც ჩვენ მოვაგროვეთ და შევკრიბეთ, ბუნებრივია, ამაზე საზოგადოებას, 4 კაცია მკვდარი და ბუნებრივია, საზოგადოების ინტერესი მაღალია, დაუყოვნებლივ ინფორმაცია მოვაწოდეთ.

გაჩნდა იქ გარკვეული კითხვის ნიშნები სხვა იარაღთან დაკავშირებით, რომ ხომ არ იყო გამოყენებული კიდევ სხვა ტიპის იარაღი, იმიტომ, რომ ექსპერტიზის დასკვნები მივიღეთ, მიმდინარე პროცესია, დამატებითი გარემოებები გამოიკვეთა, ამაზეც საზოგადოებას ინფორმაცია მივაწოდეთ. ის პირები, რომლებიც ამ ეტაპზე დაკავებულები არიან, არიან დაკავებულები შესაბამისი მტკიცებულებების საფუძველზე,“-განაცხადა მეზვრიშვილმა.

სოფელ ყანდაურაში 4 ადამიანის მკვლელობის შემდეგ ორი პირია დაკავებული – 85 წლის მოხუცი, რომელსაც გამოძიება რძლის და ორი ნათესავის მკვლელობას, ასევე მეუღლის დაჭრას ედავება. ასევე დაკავებულია, ომარ გამყრელიძის შვილიშვილიც. მას გამოძიება ცეცხლსასროლი იარაღისა და საბრძოლო მასალების შენახვა-ტარებას ედავება. ყანდაურაში მომხდარი მკვლელობის საქმეზე იძებნება 85 წლის მოხუცის შვილი, რომელიც ყოფილი სპეცრაზმელია.

თაიმერი timer.ge
ავტ.: თაიმერი timer.ge მაისი 14, 2019 10:29

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics