ავტოსაგზაო შემთხვევა ურეკში – ავარიის შედეგად ოთხი ადამიანი გარდაიცვალა, ერთი კი მძმედ დაშავდა. დაშავებული სამედიცინო სასწრაფო დახმარების ბრიგადამ თბილისშ, ინგოროყვას სახელობის კლინიკაში გადმოიყვანა. გავრცელებული ინფორმაციის თანახმად, ერთმანეთს მსუბუქი და სატვირთო ავტომობილები შეეჯახნენ, რომლებიც საპირისპირო მიმართულებით მოძრაობდნენ.
შინაგან საქმეთა სამინისტროს ინფორმაციით, საქმეზე გამოძიება 276-ე მუხლის მე-7 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის გარდაცვალება გამოიწვია.
