2012 წლის ბოლოდან მოყოლებული, ბიძინა ივანიშვილი ქვეყანას უშუალოდ პირადი გარემოცვით მართავს, – ეს განცხადება „ევროპული საქართველოს“ წევრმა, დეპუტატმა ოთარ კახიძემ სახელმწიფო უსაფრთხოების სამსახურის ხელმძღვანლად გრიგოლ ლილუაშვილის კანდიდატურის ინიცირების შეფასებისას გააკეთა.
„2012 წლის ბოლოდან მოყოლებული ბიძინა ივანიშვილი ქვეყანას მართავს პირადი ბანკირებით, პირადი დაცვის უფროსებით, პირადი ექიმებით, პირადი ბუღალტრებით და პირადი თანაშემწეებით. ეს არის მისი მართვის სტილი. ძირითადად ის არჩევს არაკომპეტენტურ ადამიანებს, რომლებსაც არ აქვთ არანაირი პოლიტიკური წარსული და წონა, არიან მხოლოდ მის წინაშე ანგარიშვალდებულები.
შესაბამისად, ეს ფიგურები საზოგადოების ინტერესებს არ და ვერ ემსახურებიან. ამიტომაც მიდის ქვეყანა უკან. ეს უკუსვლა ჩვენ უნდა შევაჩეროთ ივანიშვილის გასტუმრებით“, -განაცხადა დეპუტატმა.