მხარს ვუჭერ პროპორციულ არჩევნებს, რადგან ეს იყო პოლიტიკური გადაწყვეტილება და ამ გადაწყვეტილების ნაწილი ვიყავით უმრავლესობის თითოეული წევრი, – ამის შესახებ საპარლამენტო უმრავლესობის წევრმა, ოთარ დანელიამ განაცხადა.
როგორც ოთარ დანელიამ აღნიშნა, უმრავლესობამ აიღო პასუხისმგებლობა საზოგადოების წინაშე და ვალდებულია ეს პირობა შეასრულოს.
„რაც შეეხება ამ განხილვებს, განხილვები ყოველთვის შეიძლება, თუმცა ეს განხილვები ვერ ვხვდები ახლა რატომ დადგა დღის წესრიგში. წინააღმდეგობა ყოველთვის იყო გუნდში, მაგრამ გუნდური გადაწყვეტილება მიღებული იყო, ეს არ არის პირველი გადაწყვეტილება, როცა აზრთა სხვადასხვაობაა, თუმცა ვიღებთ გადაწყვეტილებას, რაც არის გუნდური. იმედი მაქვს, არ ჩავარდება, რადგან ეს იქნება პოლიტიკურად ძალიან ძვირი. ვინაიდან დაპირება იყო, ეს არის ყველა ჩვენგანის ვალდებულება. მე ვარ მაჟორიტარი და მე უნდა ვიყო სუბიექტური, მაგრამ ვინაიდან გუნდმა მიიღო ეს გადაწყვეტილება, მეც გავითავისე, რომ უნდა გადავიდეთ პროპორციულზე“, – განაცხადა ოთარ დანელიამ.
პარტია „ქართული ოცნება – დემოკრატიული საქართველოს“ ცენტრალურ ოფისში საპარლამენტო უმრავლესობის სხდომა მიმდინარეობს.
