ნორვეგიის მთავრობა ქვეყანაში ამერიკელი სამხედროების რაოდენობის გაორმაგებას აპირებს, რომ ისინი რუსეთთან საზღვარზე განათავსოს – ოსლომ განაცხადა, რომ შესაბამისი თხოვნით აშშ-ს მიმართავს. დადებითი პასუხის შემთხვევაში, ნორვეგიაში 700 ამერიკელი სამხედრო მოსამსახურე იქნება. 2017 წელს ქვეყანაში 330 ამერიკელი სამხედრო ქვეითი დაბანაკდა, რამაც რუსეთის უკმაყოფილება გამოიწვია.
გასულ კვირას ნატოს ცხრა ქვეყანან, მათ შორის ბულგარეთმა, უნგრეთმა, პოლონეთმა ალიანსის ხელმძღვანელებს სთხოვა მათ ქვეყნებში ნატოს სამხედრო მონაწილეობა გაზარდონ.