ისრაელის თავდაცვის ძალების (IDF) ინფორმაციით, გასულ ღამეს სამხრეთ ლიბანში მომხდარი ორმხრივი სროლის შედეგად „ჰეზბოლას“ რამდენიმე ოპერატიული მუშაკი განადგურდა. ისრაელის მხარეს დაშავებულები არ არიან.
IDF-ის ცნობით, „გივატის“ ბრიგადის სამხედროებმა სახმელეთო ოპერაციის დროს „ჰეზბოლას“ რამდენიმე შეიარაღებული პირი შენიშნეს. ჯარისკაცებსა და ერთ-ერთ ბოევიკს შორის ორმხრივი სროლა დაიწყო, რის შედეგადაც ის განადგურდა. ამის შემდეგ, „გივატის“ ქვედანაყოფმა ისრაელის სამხედრო-საჰაერო ძალების დრონი იმ პირებისკენ მიმართა, რომლებიც მათ ცეცხლს უხსნიდნენ. მოგვიანებით, სატანკო დაბომბვის შედეგად კიდევ სამი ოპერატიული მუშაკი იქნა ლიკვიდირებული.
არმიის განცხადებით, ინციდენტის დროს ისრაელელი ჯარისკაცები არ დაშავებულან.
სამხედრო უწყება ასევე აღნიშნავს, რომ გასულ ღამეს ავიაციამ ბეირუთში „ჰეზბოლას“ სამეთაურო ცენტრებზეც მიიტანა იერიში. დარტყმები მას შემდეგ განხორციელდა, რაც IDF-მა ლიბანის დედაქალაქის სამხრეთ გარეუბნების — „ჰეზბოლას“ საყრდენი პუნქტების — მოსახლეობა ევაკუაციის შესახებ კიდევ ერთხელ გააფრთხილა.
