ზუგდიდის რეფერალური ჰოსპიტალიდან თბილისში 35 წლის ქალი გადაიყვანეს, რომელსაც ორმხრივი პნევმონია დაუდგინდა. ამასთან, პაციენტს უკვე ჩაუტარდა შესაბამისი კვლევები ვირუსებზე, შედეგები უახლოეს დღეებში გახდება ცნობილი.
ახალგაზრდა ქალი ზუგდიდის რეფერალურ ჰოსპიტალში 2 თებერვალს მიიყვანეს. კლინიკაში შეყვანის მომენტიდან ის მართვით სუნთქვაზე იმყოფებოდა.
ამასთან,გავრცელებული ინფორმაციით, პაციენტი ზუგდიდის ერთ-ერთი საჯარო სკოლის პედაგოგია. პრევენციის მიზნით, სკოლაში სადეზინფექციო სამუშაოები უკვე ჩაატარეს და სასწავლო პროცესი შეუფერხებლად მიმდინარეობს.