ორლანდოში, გეი-კლუბზე თავდასხმის შედეგად, ერთ-ერთი დაღუპულის დასაფლავების კორტეჟს ავტომანქანა დაეჯახა – შემთხვევა გუშინ, 18 ივნისს მოხდა. იტყობინება ABC News-ი.
სამგლოვიარო პროცესიას პოლიციელები მიაცილებდნენ ეკლესიიდან დასაფლავების ადგილამდე, ქალაქ კისიმიმე, რომელიც ორლანდოდან 32 კილომეტრშია, როცა მანქანა, რომლის საჭესთან ქალი იჯდა, კორტეჟს დაეჯახა. Reuters-ის ინფორმაციით, ორი სამართალდამცველი დაშავდა – ისინი მოტოციკლზე ისხდნენ. დაშავებულები ჰოსპიტალში გადაიყვანეს. მათი მდგომარეობა სტაბილურია. მძღოლი არ დაშავებულა.
შეგახსენებთ, რომ გეი კლუბზე თავდასხმა 12 ივნისს მოხდა. რომლის დროსაც ამერიკელმა 49 ადამიანი მოკლა. 50 კი დაიჭრა.
