დედოფლისწყაროში მომხდარი ავტოავარიის შედეგად დაშავებული ორი ჯარისკაცის მდგომარეობა, რომლებიც ინგოროყვას კლინიკაში არიან გადმოყვანილი, ამ ეტაპზე მძიმეა. ამის შესახებ კლინიკის ექიმ-რეანიმატოლოგმა კოსტანტინე მუმლაძემ ჟურნალისტებთან განაცხადა.
„ერთის მდგომარეობა გამოხატულია სხეულის მრავლობითი დაზიანებით, გულმკერდის დახურული ტრამვით, ფილტვების დაჟეჟილობით, მენჯის ძვლის მოტეხილობით. ზოგადი მდგომარეობა პაციენტის არის სტაბილურად მძიმე.მიმდინარაობს შოკის საწინააღმდეგო თერაპია, ამასთან უგრძელდება მკურნალობა და მოთავსდება რეანიმაციის განყოფილებაში.
მეორე პაციენტის მდგომარეობა სტაბილურია შედარებით. გამოხატულია ქალა-ტვინის დახურული ტრამვა. თავის ტვინის შერყევა, რეტროგრადიული ამნეზიით. ორივეს შემთხვევაში მდგომარეობა რჩება მძიმე“,- განაცხადა ექიმმა.
