ავტოსაგზაო შემთხვევა ბათუმში მსხვერპლით დასრულდა. აეროპორტის გზატკეცილზე ერთმანეთს ავტობუსი და მსუბუქი ავტომობილი შეეჯახა. გარდაცვლილია ორი ადამიანი, ერთ-ერთი ავტომობილის მძღოლია, ის საავადმყოფოში მიყვანისთანავე გარდაიცვალა. დაშავებულია ორი ადამიანი.
როგორც შინაგან საქმეთა სამინისტროში აცხადებენ, მომხდარზე გამოძიება სისხლის სამართლის კოდექსის 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
