თბილისის მერია სამაშველო ოპერაციისთვის სამხედრო დახმარებას ითხოვს, – ამის შესახებ თბილისის მერმა, დავით ნარმანიამ რამდენიმე წუთის წინ კურიერში სატელეფონო ჩართვისას განაცხადა.
როგორც ნარმანია აღნიშნავს, ვითარება მთელ ქალაქშია საგანგებო, მაგრამ განსაკუთრებით რთული ვითარება მდინარე ვერეს ტერიტორიაზეა შექმნილი.
თბილისის მერი ამბობს, რომ ამ დროისთვის მსხვერპლის შესახებ დაზუსტებული მონაცემები არ არსებობს. თუმცა, ის ამბობს, რომ მან პირადად დაინახა, როგორ გაიტაცა მდინარემ ორი ადამიანი და მათი მდგომარეობის შესახებ ინფორმაცია არა აქვთ.
ამასთან, ნარმანიამ დაადასტურა, რომ ზოოპარკიდან ცხოველები არიან გაქცეულები, რომლებიც სამაშველო სამსახურის თანამშრომლებმა ნახეს.
