პოლიციელების გლობალური რეიდის შემდეგ, რომელიც ორგანიზებული დანაშაულებების წინააღმეგ იყო მიმართული, შვედეთში 70 ადამიანი დააკავეს, ნიდერლანდებში კი – 49.
ევროპოლის დირექტორის მოადგილემ ჟა-ფილიპ ლეკუფმა ჰააგაში გამართულ პრეს-კონფერენციაზე განაცხადა, რომ 16 ქვეყნის სამართალდამცველებმა 700 რეიდი ჩაატარეს და 800-ზე მეტი ეჭვმიტანილი დააკავეს, ამოიღეს 8 ტონა კოკაინი და 48 მილიონ დოლარზე მეტი ნაღდი ფული – reuters-ი წერს.
ჩინოვნიკებს სტატისტიკა ქვეყნებში დაკავებულთა შესახებ არ გამოუქვეყნებიათ, მონაცემები მხოლოდ შვედეთმა და ჰოლანდიამ გაავრცელა.
ოპერაცია ჩატარდა ავსტრალიაში, ავსტრიაში, დანიაში, ნორვეგიაში, ესტონეთში, ლიეტუვაში, ახალ ზელანდიაში, შოტლანდიაში, დიდ ბრიტანეთში, გერმანიასა და აშშ-ში.
ოპერაცია მას შემდეგ გახდა შესაძლებელი, რაც აშშ-ს გამოძიების ფედერალურმა ბიურომ და ავსტრალიელმა გამომძიებლებმა გატეხეს ქსელი, რომელსაც დამნაშავეები იყენებდნენ და წაიკითხეს მილიონობით შეტყობინება.
ოპერაციია ფარგლებში, რომლის სახელი იყო OTF Greenlight / Trojan Shield გამომძიებლები აკვირდებოდნენ მაფიოზურ დაჯგუფებებს, აზიის კრიმინალურ სინდიკატებს, დამნაშავეთა ბაიკერულ ჯგუფებს.
