28 ივნისს “პიანო ფესტის“ დასკვნითი კონცერტის გამო, ორბელიანის მოედნის მიმდებარე ტერიტორიაზე გადაადგილება დროებით შეიზღუდება.
თბილისის მერიის ცნობით, ღონისძიების გამო, 27 ივნისის, 23:00 საათიდან 29 ივნისის 04:00 საათამდე სატრანსპორტო გადაადგილება დროებით შეიზღუდება გიორგი ათონელის ქუჩიდან ვახტანგ ორბელიანის შესახვევის N13-ის ჩათვლით.
მათივე ცნობით, ავტომობილები ზვიად გამსახურდიას სახელობის სანაპიროზე მოხვედრას სოლიკო ვირსალაძის ქუჩის გავლით შეძლებენ, ხოლო საწინააღმდეგო მიმართულებით გადაადგილება შესაძლებელი იქნება იტალიის ქუჩის, მშრალის ხიდისა და ჯოვანი სკუდიერის ქუჩის გავლით.
