უნგრეთის ყოფილი პრემიერ-მინისტრი ვიქტორ ორბანი ამჟამინდელ პრემიერს, პეტერ მადიარს ევროკავშირთან შეთანხმების დეტალების გასაჯაროებისკენ მოუწოდებს.
„ჩვენ მოვუწოდებთ პრემიერ-მინისტრს, დაუყოვნებლივ გაასაჯაროოს ფონ დერ ლაიენისა და პეტერ მადიარის პაქტის დეტალები. რა მიჰყიდა მან ბრიუსელს უნგრული ინტერესებიდან? უფასო ყველი მხოლოდ თაგვების ხაფანგშია“, – წერს ვიქტორ ორბანი.
გავრცელებული ინფორმაციით, პეტერ მადიარმა, ევროკომისიის პრეზიდენტთან, ურსულა ფონ დერ ლაიენთან შეთანხმებას მიაღწია, რომლის შედეგადაც უნგრეთისთვის განკუთვნილი 16.4 მილიარდი ევროს ფონდი განიბლოკა. ეს თანხები წინა ადმინისტრაციის დროს გაიყინა.
