ოქრუაშვილის ადვოკატებმა თბილისის საქალაქო სასამართლოს განჩინება გაასაჩივრეს

თაიმერი timer.ge
ავტ.: თაიმერი timer.ge ივლისი 24, 2019 13:55

ოქრუაშვილის ადვოკატებმა თბილისის საქალაქო სასამართლოს განჩინება გაასაჩივრეს

ოქრუაშვილის ადვოკატებმა თბილისის საქალაქო სასამართლოს განჩინება გაასაჩივრეს. საუბარია თბილისის საქალაქო სასამართლოს გადაწყვეტილებაზე, რომლითაც ოქრუაშვილის მხარეს უარი ეთქვა განცხადების დაკმაყოფილებაზე და ტელეკომპანია „რუსთავი 2“-ში ქიბარ ხალვაშის წილების დაყადაღებაზე.

„სასამართლოს განჩინებით, ჯერჯერობით არ დაედო ყადაღა ქიბარ ხალვაშისა და შპს „პანორამას“ წილს „რუსთავი 2“-ში. მიზეზი ის იყო, რომ ამ საჩივრის წარმოდგენა უნდა მომხდარიყო საჩივართან ერთად. არადა, საპროცესო კანონმდებლობა ითვალისწინებს შესაძლებლობას, რომ გადაუდებელ შემთხვევაში, წარდგენილი იყოს საჩივარი სარჩელის აღძვრამდე და გადაუდებელ შემთხვევასთან გვქონდა ადგილი. რადგანაც, 18 ივლისს 15:17 საათზე მოხდა ბატონი ქიბარისა და შპს „პანორამას“ საკუთრების უფლების რეგისტრაცია და ჩვენ შევიტანეთ განცხადება მეორე დღეს დილით, შესაბამისად, ამ პერიოდში კვალიფიციური სარჩელის მომზადება და წარდგენა შეუძლებელი იყო. ჩვენ ვისარგებლეთ საპროცესო კანონმდებლობით. ვასაჩივრებთ განჩინებას, ეს წავა სააპელაციო სასამართლოში მაგრამ ამის თაობაზე ეცნობება საჯარო რეესტრს, რომელიც ამ პერიოდში ვერ მოახდენს ქიბარ ხალვაშის და „პანორამას“ წილებზე რეგისტრაციის განხორციელებას, სანამ არ მოხდება ამ საჩივრის განხილვა“, – განაცხადა ადვოკატმა გიორგი ზედელაშვილმა.

თაიმერი timer.ge
ავტ.: თაიმერი timer.ge ივლისი 24, 2019 13:55

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,536
ვიზიტორი
დღეში
Powered By Google Analytics