თბილისის საქალაქო სასამართლოში, პარტია „გამარჯვებული საქართველოს“ ლიდერის, თავდაცვის ყოფილი მინისტრ ირაკლი ოქრუაშვილის საქმეზე მორიგი სხდომა გაიმართა.დღევანდელი სხდომა ბრალდების მხარის მოწმეების დაკითხვით გაგრძელდა.
ერთ-ერთი მოწმის თქმით, ოქრუაშვილი ამბობდა – „წინ, წინ“.
„მე და ოქრუაშვილი ერთმანეთის პირდაპირ ვიდექით. ჩვენ დამშვიდებისკენ მოვუწოდებდით ხალხს. ოქრუაშვილი ხალხთან ერთად გვაწვებოდა“, – განაცხადა მოწმემ.
ოქრუაშვილი 20 ივნისის აქციის საქმეზე სისხლის სამართლის კოდექსის 225-ე მუხლით გათვალისწინებული დანაშაულის ბრალდებით დააკავეს, რაც ჯგუფური ძალადობის ორგანიზებას, ხელმძღვანელობასა და მასში მონაწილეობას გულისხმობს.
