ოქრიაშვილი – დმანისისა და ქვემო ქართლის სამხარეო პოლიციის ხელმძღვანელობა დათხოვნილი უნდა იქნას პოლიციის რიგებიდან

მოვითხოვ, გადადგეს დმანისისა და მთელი ქვემო ქართლის სამხარეო პოლიციის ხელმძღვანელობა! ისინი დაუყოვნებლივ დათხოვნილი უნდა იქნან პოლიციის რიგებიდან – დმანისში მიმდინარე დაპირისპირებასთან დაკავშირებით სპეციალურ განცხადებას ავრცელებს პარტია “პროგრესი და თავისუფლების” ლიდერი, დმანისის ყოფილი მაჟორიტარი დეპუტატი კახა ოქრიაშვილი.

ოქრიაშვილი სრულ პასუხისმგებლობას ხელისუფლებასა და შსს-ს აკისრებს

სამწუხაროდ, საყოფაცხოვრებო ნიადაგზე დაწყებული ინციდენტი, მოგვიანებით სერიოზულ დაპირისპირებაში გადაიზარდა, რამაც ზოგიერთ მხარეს ინტერპრეტირების საშუალება მისცა. პირველ რიგში, ყველას მოვუწოდებ, თავი შეიკავოს ამ ყოფითი კონფლიქტის სხვა ჭრილში წარმოჩენისა და მკვეთრი განცხადებებისაგან.

ვგმობ ნებისმიერი ტიპის ძალადობას და ასევე, მოვუწოდებ ჩვენს სამართალდამცავ და საგამოძიებო სტრუქტურებს, უსწრაფესად გამოიძიონ დანაშაული და კანონის წინაშე პასუხი აგოს ყველა მოძალადემ.

აქვე, 2020 წლის საპარლამენტო არჩევნების პერიოდში, პოლიტიკური ოპონენტების წინააღმდეგ კრიმინალური დაჯგუფებების შექმნა, რომელიც „ქართული ოცნების“ მიერ იყო წახალისებული, ხელს უწყობდა და ახლაც უწყობს ამ ტიპის დაპირისპირებების გაღრმავებას. მოსახლეობაში გაჩნდა და გაღვივდა დაუსჯელობის სინდრომი.

განვითარებულ მოვლენებზე მთელი პოლიტიკური პასუხისმგებლობა ეკისრება „ქართულ ოცნებას“, ხოლო სამართლებრივი – სრულიად უმოქმედო სამართალდამცავ ორგანოებს.

მოვითხოვ, გადადგეს დმანისისა და მთელი ქვემო ქართლის სამხარეო პოლიციის ხელმძღვანელობა! ისინი დაუყოვნებლივ დათხოვნილი უნდა იქნან პოლიციის რიგებიდან – ნათქვამია ოქრიაშვილის განცხადებაში.

რეკლამის ბანერი
წინა სტატიაშიქადაგიშვილი – გუნდი, რომელიც შეიძლება, გახარიას გარშემო ჩამოყალიბდეს, გარკვეულწილად, ჩაგრულის მანტიის მორგებას ცდილობს
შემდეგი სტატიაგაბუნია – “სინოვაკის” ვაქცინის მისაღებად რეგისტრაცია კვირის ბოლომდე დაიწყება