“ოპოზიცია ნერვიულობს ობიექტურად, რადგან მისია დაადგენს ყველაფერს, რაც უკავშირდება უგულავას მიერ 48 მილიონის მოპარვას”

region
ავტ.: region თებერვალი 13, 2020 16:55

“ოპოზიცია ნერვიულობს ობიექტურად, რადგან მისია დაადგენს ყველაფერს, რაც უკავშირდება უგულავას მიერ 48 მილიონის მოპარვას”

პოზიცია ნერვიულობს და ნერვიულობს ობიექტურად, რადგან ევროპარლამენტარებისგან შემდგარი მისია დაადგენს ყველაფერს, რაც უკავშირდება უგულავას მიერ 48 მილიონის მოპარვას, – ამის შესახებ საპარლამენტო უმრავლესობის წევრმა, ირაკლი კობახიძემ განაცხადა.

„საქმე ძალიან მარტივად არის, ევროპარლამენტარები იღებენ პირველად ინფორმაციას, რომ ოპოზიციის ერთ-ერთ ლიდერს შეეფარდა სისხლის სამართლის სანქცია, ბუნებრივია, ერთი შეხვედრით იწვევს გარკვეულ აღელვებას, თუმცა მთავარია დეტალები. როდესაც მისიის წარმომადგენლები გაიგებენ დეტალებს, როგორ იპარავდა უგულავა 48 მილიონს, ასეთ შემთხვევაში იქნება შესაბამისი დასკვნა, ზუსტად ეს ანერვიულებს როგორც სამადაშვილს, ასევე ბაქრაძეს და სხვა ოპოზიციონერ პოლიტიკოსებს“, – განაცხადა კობახიძემ.

მისივე თქმით, კონსულტაციები გაიმართა სხვადასხვა პოლიტიკური ჯგუფის წარმომადგენელთან, რაც იმის თქმის საშუალებას იძლევა, რომ ეს მისია აუცილებლად ჩამოვა საქართველოში.

„საქმე არის ძალიან ნათელი, მთავარია ჩვენი ინიციატივა, რომლის თანახმადაც ევროპარლამენტარებს ეძლევათ საშუალება, ჩამოვიდნენ საქართველოში და შეისწავლონ ამ საკითხის დეტალები, როგორც არსებითი მხარე, ასევე პროცედურული მხარე. ბუნებრივია, ეს ყველაფერს ნათელს მოჰფენს და სწორედ ეს არის მიზეზი იმისა, რომ ჩვენი ოპოზიციონერი კოლეგები ძალიან განერვიულდნენ, როდესაც გაიგეს ამ ინიციატივის თაობაზე. ნახეთ, რომ გუშინ სალომე სამადაშვილმა, დავით ბაქრაძემ და სხვებმა გააკეთეს უარყოფითი კომენტარები ამ ინიციატივასთან დაკავშირებით. ყველაფერი არის მარტივი, ერთი, რომ ეს მისია აუცილებლად დაადგენს იმას, რომ უგულავამ მოიპარა 48 მილიონი, გადასახადის გადამხდელების, თბილისი მოქალაქეების და საქართველოს მოსახლეობის ფული. მეორე, დადგინდება, რომ ადამიანის უფლებათა ევროპული სასამართლოს სტანდარტების თანახმად, არანაირი ინტერესთა კონფლიქტი არ იყო სახეზე. გაირკვევა, რომ ეს არის ჩვეულებრივი მიღებული პრაქტიკა. ყველაფერს მოეფინება ნათელი“, -განაცხადა ირაკლი კობახიძემ.

region
ავტ.: region თებერვალი 13, 2020 16:55

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


3,627
ვიზიტორი
დღეში
Powered By Google Analytics