ქალაქ ონის შესასვლელთან, ქუთაისი–ალპანა–მამისონის უღელტეხილის საავტომობილო გზის 107-ე–112-ე კილომეტრზე მეწყრული უბნის აღდგენა და დამცავი კედლის მოწყობა მიმდინარეობს. ინფორმაციას რაჭა-ლეჩხუმისა და ქვემო სვანეთის სამხარეო ადმინისტრაცია ავრცელებს.
უწყების ცნობით, მთის ფერდობზე განვითარებული მეწყრის გამო გზის სავალი ნაწილი დაზიანდა, რის გამოც 2026 წლის 11 ივლისიდან ძირითად მონაკვეთზე ავტოტრანსპორტის მოძრაობა შეიზღუდა.
ამ ეტაპზე ტრანსპორტი დროებითი შემოვლითი გზით გადაადგილდება. სამხარეო ადმინისტრაციის ცნობით, ძირითად გზაზე მოძრაობა მეწყერსაწინააღმდეგო სამუშაოების დასრულების შემდეგ აღდგება.
