ომის დაწყების შემდეგ, რუსეთთან ეკონომიკური ურთიერთობების შეზღუდვა მეტ ადამიანს სურს – NDI

ეროვნულ-დემოკრატიული ინსტიტუტის ახალი კვლევის თანახმად, უკრაინაში ომის დაწყების შემდეგ, რუსეთთან ეკონომიკური ურთიერთობების შეზღუდვას საქართველოს მეტი მოქალაქე უჭერს მხარს. ომის დაწყებამდე გამოკითხულთა 53% ფიქრობდა, რომ საქართველომ უფრო უნდა გააღრმავოს ეკონომიკური ურთიერთობები რუსეთთან, რაც ომის დაწყების შემდეგ, 25%-მდე შემცირდა.

ასევე, 23%-დან 39%-მდე გაიზარდა მათი რიცხვი, ვინც მიიჩნევს, რომ საქართველომ უფრო უნდა შეზღუდოს რუსეთთან ეკონომიკური ურთიერთობები.

სოციოლოგიური გამოკითხვა NDI-ის დაკვეთით CRRC საქართველომ ჩაატარა.

საველე სამუშაოები სამ ნაწილად ჩატარდა – 3-15 თებერვალსა და 9-20 მარტს შემთხვევითი სატელეფონო გამოკითხვების, ხოლო 15-22 მარტს – ფოკუს ჯგუფების მეშვეობით.

3-15 თებერვალს 2 036 დასრულებული ინტერვიუ (18% გამოპასუხება, AAPOR სტანდარტების მიხედვით) ჩატარდა, საშუალო ცდომილების ზღვარი +/- 1.8%-ია. 9-20 მარტსინტერვიუების რაოდენობა 2 024 იყო (18% გამოპასუხება, AAPOR სტანდარტების მიხედვით). ამ შემთხვევაში საშუალო ცდომილების ზღვარი +/-1.6%-ს შეადგენდა.

რაც შეეხება ფოკუსჯგუფებს, ონლაინ-დისკუსიები თბილისში, ბათუმში, თელავში, ზუგდიდში,
ახალქალაქსა მარნეულში ჩატარდა. თითოეულ ქალაქში ორი ჯგუფი გამოკითხეს.

წინა სტატიაშირუსეთმა ბალტიის ქვეყნების საელჩოები დახურა
შემდეგი სტატიაუკრაინული დაზვერვა რუსი არტილერისტების სიას აქვეყნებს, რომლებმაც მშვიდობიანი მოსახლეობა დახოცეს