აშშ-ის არჩეული პრეზიდენტის დონალდ ტრამპის განცხადებით, რუსეთის ლიდერმა ვლადიმერ პუტინმა მასთან შეხვედრის სურვილი გამოთქვა და ამჟამად მზადება მიმდინარეობს შეხვედრისთვის.
„მას სურს შეხვედრა და ჩვენ ამას ვაწყობთ. პუტინს სურს შეხვედრა. მან ეს საჯაროდ თქვა და ჩვენ უნდა დავასრულოთ ეს ომი“, – განაცხადა ტრამპმა ფლორიდაში, მარ-ა-ლაგოში რესპუბლიკელ გუბერნატორებთან შეხვედრის წინ.
ამასთან, მან არ დაასახელა შეხვედრის თარიღი.
მიუხედავად იმისა, რომ კრემლს ჯერ არ უპასუხა ტრამპის განცხადებაზე, მან ადრე განაცხადა, რომ სიამოვნებით ესაუბრებოდა ამერიკის ახალ პრეზიდენტს.
