სახალხო დამცველის აპარატის ინფორმაციით, ამჟამად ომბუდსმენის წარმომადგენლები თბილისსა და ბათუმში დაკავებული პირების სანახავად მიემართებიან
“მათ შორის, იმყოფებიან ალადაშვილის სახელობის კლინიკაში, სადაც ერთ-ერთი დაკავებულია განთავსებული.
სახალხო დამცველი მოუწოდებს სამართალდამცავებს, არ შეზღუდონ პროტესტის მონაწილეთა შეკრებისა და გამოხატვის თავისუფლება. სახალხო დამცველი შეისწავლის სამართალდამცავების მხრიდან აქციის მონაწილეთა მიმართ გამოვლენილ არასათანადო მოპყრობის ფაქტებს და მოახდენს კანონშესაბამის რეაგირებას.
დაკავებული და დაშავებული პირების მდგომარეობის შესახებ ინფორმაციას სახალხო დამცველი საზოგადოებას მოგვიანებით მიაწვდის” – წერია განცხადებაში.
ამ დროისთვის არსებული ინფორმაციით, თბილისში სამართალდამცველებმა აქციაზე ერთი პირი, გია ჯვარშეიშვილი დააკავეს, ხოლო ბათუმში 10-მდე ადამიანია დაკავებული, მათ შორის ბათუმელების დირექტორი მზია ამაღლობელი.
