ოლივერ ვარჰეი და კარლ ჰარცელი საქართველოში ბიზნესსექტორისა და არასამთავრობო ორგანიზაციების წარმომადგენლებს შეხვდნენ

ევროკომისარი ოლივერ ვარჰეი, საქართველოში ბიზნესსექტორისა და არასამთავრობო ორგანიზაციების წარმომადგენლებს შეხვდა.

შეხვედრა სასტუმრო „სტამბაში“ გაიმართა. ევროკომისრის გარდა, ბიზნესთან შეხვედრაში მონაწილეობას იღებდა საქართველოში ევროკავშირის ელჩი კარლ ჰარცელიც. ევროკომისარმა და ელჩმა შენობა კომენტარის გარეშე დატოვეს.

რაც შეეხება ქართული ბიზნესისა და მესამე სექტორის წარმომადგენლებს, შეხვედრას ესწრებოდნენ არასამთავრობო ორგანიზაცია „ICT კლასტერის“ დირექტორი მარიამ სუმბაძე, კომპანია „ბიოქიმფარმის“ დირქტორი რატი გოლიჯაშვილი, ბიოლოგიურ მეურნეობათა ასოციაცია „ელკანას“ დირექტორი მარიამ ჯორჯაძე, საქართველოს ექსპედიტორთა ასოციაციის პრეზიდენტი ზვიად ჩხარტიშვილი და არასამთავრობო ორგანიზაცია „ახალგაზრდული პერსპექტივა სამომავლო გამოწვევებზე“ წარმომადგენელი მარიამ ხერგიანი.

რეკლამის ბანერი
წინა სტატიაშიხატია დეკანოიძე – ძალადობრივი ჯგუფები ხელისუფლებასთან გარიგებული არიან
შემდეგი სტატიაზალკალიანი – ევროკავშირის დროშა კვლავ დაუბრუნდა პარლამენტის შენობის წინ კუთვნილ ადგილს