ოლივერ ვარჰეი აცხადებს, რომ მზად არიან, მიმართონ საბჭოს, რათა ევროპულ როუმინგის სფეროში საქართველოს ინტეგრაცია მოხდეს

ევროპული სამეზობლო პოლიტიკისა და გაფართოების საკითხებში ევროკომისარი ოლივერ ვარჰეი აცხადებს, რომ მზად არიან, მიმართონ საბჭოს, რათა ევროპულ როუმინგის სფეროში საქართველოს ინტეგრაცია მოხდეს.

ირაკლი კობახიძის, ჯოზეფ ბორელისა და ვარჰეის ერთობლივ ბრიფინგზე ევროკომისარმა თქვა, რომ ეს საქართველოს მოქალაქეებს ხარჯებს მაქსიმალურად შეუმცირებს.

“როუმინგის თვალსაზრისით ჩვენ მოხარულები ვართ, რომ ვხედავთ, საქართველოს მთავრობა სწრაფი ტემპით მიდის წინ და ყველაფერი გვაქვს განკარგულებაში, რომ საბჭოს მივაწადოთ წინადადება, რომ საქართველოს ინტეგრაცია მოხდეს ევროპულ როუმინგის სფეროში, რომ როუმინგის, მონაცემთა ხარჯები მაქსიმალურად შემცირდეს საქართველოს მოქალაქეებისთვის, ვინც საზღვარგარეთ მოგზაურობს ან ცხოვრობს ევროპაში. ეს იქნება საეტაპო ცვლილება საქართველოს მოქალაქეებისთვის და ისინი ამ კონკრეტულ წინსვლას დაინახავენ”, – თქვა ვარჰეიმ. [სინქრონული თარგმანი]

კობახიძე პირველი ვიზიტით ბრიუსელში იმყოფებოა. ვიზიტის ფარგლებში კობახიძე ორმხრივ შეხვედრებს ევროკავშირსა და NATO-ში გამართავს.

banner
წინა სტატიაშიჯოზეფ ბორელი – ჩვენ გვინდა, რომ საუკეთესო ურთიერთობები ჰქონდეთ საქართველოსა და უკრაინას, მათი დაპირისპირებით, მხოლოდ რუსეთი სარგებლობს
შემდეგი სტატიაბორელი: “მეორე ფრონტზე” მოწოდებები არ გვსმენია, ეს სერიოზულად არავის მიუღია