ამერიკელმა რეჟისორმა ოლივერ სტოუნმა, რუსეთის პრეზიდენტ ვლადიმირ პუტინზე დოკუმენტური ფილმის გადაღება დაასრულა. მისი თქმით, ამ ეტაპზე მასალის მონტაჟი მიმდინარეობს. ფილმის პრემიერა ჯერჯერობით ჩანიშნული არ არის.
რეჟისორმა პუტინზე ფილმის გაკეთებაზე სურვილი 2014 წელს გამოთქვა. მაშინ მან აღნიშნა, რომ რუსეთის ლიდერთან ინტერვიუს აღება სურს. სტოუნმა ამის შესახებ პირადად უთხრა პუტინს.
ოლივერ სტოუნი “ოსკარის” სამჯერ მფლობელია.
