ოლეგ მელნიკოვი: მაშინ რომ სასამართლოსთვის დღევანდელი ჩვენების მსგავსი ჩვენება მიმეცა, ახლა მკვდარი ვიქნებოდი

news
ავტ.: news ნოემბერი 4, 2016 19:43

ოლეგ მელნიკოვი: მაშინ რომ სასამართლოსთვის დღევანდელი ჩვენების მსგავსი ჩვენება მიმეცა, ახლა მკვდარი ვიქნებოდი

სანდრო გირგვლიანის მკვლელობის, კერძოდ ამ საქმეში დათა ახალაიას ბრალდების ეპიზოდზე სასამართლოში ჩვენება მისცა ოლეგ მელნიკოვმა.

ოლეგ მელნიკოვი იხსენებს, რომ იმ მანქანაში იჯდა, რომლითაც დათა ახალაია, თოფურიძე და გერონტი ალანია გენერალურ პროკურატურაში წავიდნენ.

„დათა ახალია ავიდა გენერალურ პროკურორ ადეიშვილთან. თქვა, რომ ერთ საატში ჩამოვალო, თუმცა თითქმის ორი საათის შემდეგ ჩამოვიდა. გაბრაზებული იყო. ეგრევ უთხრა ალანიას, ციხეში უნდა წახვიდე, მაგრამ ყველაფერი კარგად იქნებაო. წავედით შავნაბადასკენ. გზაში დათა ახალაია აწყნარებდა ალანიას, პრეზიდეტმა თქვა, შეგიწყალებო“,-აღნიშნა მელნიკოვმა.

ამასთან, მისივე თქმით, მელვნიკოვმა აღნიშნა, რომ პირველი ჩვენება სანდრო გირგვლიანის საქმეზე მისცა იმ ოთხაში, სადაც იმყოფებოდნენ თაკო სალაყაია, დათა ახალაია, ვასილ სანოძე.

„ჩვენება მომცა ახალაიამ დაწერილი. იგივე ჩევენება მივეცი შემდეგ ქალაქის სამმართველოსა და სასამართლოში“,-აღნიშნა მელნიკოვმა.

პროკურორის კითხვაზე, მის მიერ ადრე და დღეს მიცემულ ჩვენებს შორის რატომ არის განსახვავება, მელნიკოვმა უპასუხა – ეს ჩვენება რომ მიმეცა, მკვდარი ვიქნებოდი.

დათა ახალაიას ბრალი ედება სანდრო გირგვლიანის სიცოცხლისთვის საშიში ძალადობის გამოყენებით თავისუფლების უკანონო აღკვეთის, სამსახურებრივი უფლებამოსილების ბოროტად გამოყენების, სამსახურებრივი უფლებამოსილების გადამეტების და სამსახურებრივი სიყალბის ჩადენისთვის.

news
ავტ.: news ნოემბერი 4, 2016 19:43

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,251
ვიზიტორი
დღეში
Powered By Google Analytics