ლუგანსკის ოლქის ოკუპირებულ ნაწილში ჰუმანიტარული ვითარება კატასტროფულია იმის გამო, რომ დაღუპულთა ცხედრები დაკრძალული არ არის. ამის შესახებ ლუგანსკის ოლქის ხელმძღვანელი სერგეი გაიდაი აცხადებს.
„რეგიონში ჰუმანიტარული მდგომარეობა უბრალოდ კატასტროფულია. დაღუპულთა ცხედრების დაკრძალვა არ მიმდინარეობს, არ აქვს მნიშვნელობა სამხედრო იქნება ეს თუ მშვიდობიანი მოქალაქე. რუსეთიდან სევეროდონეცკში სამედიცინო სფეროს წარმომადგენლები ჩავიდნენ. ხალხი საავადმყოფოში დამცავი კოსტიუმებით დადის, გავრცელებულია ინფექციები. თუ ადგილობრივი მაცხოვრებლები ჭაბურღილებიდან სვამენ წყალს, მათ სწრაფად უვითარდებათ დაავადებები და ეს სწორედ იმიტომ, რომ ცხედრების გახრწნა მიმდინარეობს“, – აცხადებს გაიდაი.
