რუსეთში დატყვევებულ საქართველოს მოქალაქეს, გიორგი ჩუბეთიძეს სამუდამო პატიმრობა მიუსაჯეს. ამის შესახებ ოკუპირებული “დონეცკის სახალხო რესპუბლიკის” ე.წ. “პროკურატურაში” განაცხადეს.
კერძოდ, ოკუპირებული დონეცკის ე.წ. სასამართლომ 42 წლის საქართველოს მოქალაქეს, გიორგი ჩუბეთიძეს სამუდამო პატიმრობა მიუსაჯა “დაქირავებულ მებრძოლად ყოფნისთვის” და ჯამში ხუთი რუსი ჯარისკაცის მკვლელობისთვის.
მათი ინფორმაციით, ჩუბეთიძე 2023 წლის შემოდგომაზე ტყვედ ჩავარდა.
