ოკუპირებული სამხრეთ ოსეთი 25 მაისს სკოლებში ბოლო ზარისა და გამოსაშვები სარამოების გამო ეგრედ წოდებულ საზღვარს დაკეტავს. ამის შესახებ ნათქვამია ოკუპირებული ცხინვალის ეგრედ წოდებულმა სახელმწიფო უსაფრთხოების კომიტეტის პრეს სამსახურის განცხადებაში. „უსაფრთხოების ზომების გაძლიერების მიზნით, სკოლების გამოსაშვები საღამოების დღეს, 25 მაისის 20:00 საათიდან, სამხრეთ ოსეთსა და საქართველოს შორის საზღვრის გამარტივებულ გამშვებ პუნქტებზე შეწყდება მიმოსვლა.“-ნათქვამია განცხადებაში. პუნქტები მუშაობას 27 მაისის დილიდ 8 საათზე განაახლებენ.