19 ხმით ოთხის წინააღმდეგ ოკუპირებული აფხაზეთის „დეპუტატებმა“ დადგენილების პროექტს მხარი დაუჭირეს. დოკუმენტი დე ფაქტო პრეზიდენტ რაულ ხაჯიმბას გადადგომისკენ მოუწოდებს.
კენჭისყრაზე თავი მხოლოდ ერთმა დეპუტატმა შეიკავა. დე ფაქტო პარლამენტი სულ 35 მანდატისგან შედგება.
ოკუპირებული აფხაზეთის ე.წ. პრეზიდენტის ადმინისტრაციის შენობასთან აქცია დილიდან მიმდინარეობდა. აქციის მონაწილეების ნაწილი ე.წ. ადმინისტრაციაში შეიჭრა. სოციალურ ქსელში შეჭრის კადრებიც გავრცელდა.